கிழக்கு மண்டலம்
• பெங்களுர் MPTC சகோதர சகோதரிகள், ஜார்க்கண்ட் மாநிலத்தின் மான்தர், கூடு மற்றும் பாலுமாத் ஆகிய பணித்தளங்களைச் சந்தித்து, பாத்தேபூர் இல்லச் சிறுவர்களை உற்சாகப்படுத்தி, பணித்தள விசுவாசிகளுக்கான சிறப்புக் கூட்டங்களிலும் பங்கேற்க கர்த்தர் உதவிசெய்தார்.
• பீஹார் மாநிலம் அர்வல் மாவட்டத்தின் டெல்பா பணித்தளத்தில் நடைபெற்ற விசுவாசிகளுக்கான உபவாசக் கூடுகையில் 100 பேர் பங்கேற்றனர்; சகோ. ஜெயபிரகாஷ் கர்த்தருடைய வார்த்தையைப் பகிர்ந்துகொண்டார்.
• டோபி, குராரு மற்றும் டெக்காரி ஆகிய பணித்தளங்களில் நடைபெற்ற வட்டாரக் கன்வென்ஷன் கூட்டங்கள் ஆசீர்வாதமாக அமைந்தன. சகோ. தயானந்தன், சகோ. ராகேஷ், சகோ. ராமாசங்கர் மற்றும் சகோ. ஜுனுராஜ் ஆகியோர் இக்கூட்டங்களில் கர்த்தருடைய செய்தியைப் பகிர்ந்துகொண்டனர். தொடர்ந்து, டெக்காரி தாலுகாவில் நடைபெற்ற ஊழியர்களுக்கான கருத்தரங்கில் சகோ. ராகேஷ் டேவிட் மற்றும் சகோ. ஜெயசீலன் ஆகியோர் தேவ செய்தியளித்து ஊழியங்களுக்காக ஜெபித்தனர்.
• மார்ச் 7 அன்று மான்பூர் பணித்தளத்தில் நடைபெற்ற வாலிபர் கூடுகையில் 90 வாலிபர்கள் கலந்துகொண்டனர். இக்கூடுகையில் சகோ. ஜெயசீலன் மற்றும் சகோ. தயானந்தன் ஆகியோர் வாலிபர்களுக்கேற்ற ஆலோசனைகளை வேத வசனத்தின் அடிப்படையில் அளித்து, ஆவிக்குரிய வாழ்க்கையின் அவர்கள் முன்னேறவும் வழிகாட்டினர்.
• பெண்கள் தினத்தைத் தொடர்ந்து, மார்ச் 9 அன்று கயா பணித்தள ஆலயத்தில் நடைபெற்ற ஆராதனையில், பாடல்வேளை, ஆராதனை மற்றும் செய்தி வேளை ஆகியவற்றை பெண்களே முன்னின்று நடத்தினர்; தேவனுக்கே மகிமை!
• ராஜ்கிர் மற்றும் ராஜொலி ஆகிய பணித்தளங்களில் விரைவில் ஆலயக் கட்டுமானப் பணிகள் தொடங்கப்படவும், லோகர்தகா பணித்தளத்தில் நடைபெறவிருக்கும் போதகர் இல்ல அர்ப்பணிப்பிற்காகவும் ஜெபிப்போம்.
