March 2026

 

மார்ச் 1 : மகய் 2 கோட்டம், ஹிஸ்வா பணித்ததளத்தில் நடைபெற்ற உபவாசக் கூட்டத்தில், சுமார் 40 விசுவாசிகள் கலந்துகொண்டு, தங்கள் சபைக்காகவும், தேசத்திற்காகவும் பாரத்துடன் ஜெபித்தனர். இப்பணித்தளத்தில் 20 ஆண்டுகளாக ஊழியம் நடைபெற்றுவந்தபோதிலும், இன்னமும் ஆலயம் கட்டப்டவில்லை. தற்போது விசுவாசி ஒருவரின் வீட்டு மாட்டுத் தொழுவத்தின் ஒரு பகுதியில் ஞாயிறு ஆராதனை நடைபெற்றுவருகிறது, இப்பணித்தளத்தில் விரைவில் ஆலயம் கட்டப்படவும், ஜனங்கள் விடுதலையோடு தேவனை ஆராதிக்கவும் ஜெபிப்போம். 

மார்ச் 2 : ஹன்டர்கன்ச் பணித்தளத்தில் பிப்ரவரி 1 அன்று நடைபெற்ற எழுப்புதல் கூட்டத்தில் 80 பேர் பங்கேற்றனர்; 'கனிகொடுத்தல்” என்ற தலைப்பின் கீழ் சகோ. பால் தேவசெய்தியினைப் பகிர்ந்துகொண்டார். விசுவாசிகள் தங்கள் ஜீவியத்தில் ஆவிக்குரிய குணங்களான நல்ல கனிகளை வெளிப்படுத்தவும், அதன் மூலமாக அநேகரை கிறிஸ்துவுக்கென்று ஆதாயப்படுத்தவும் உற்சாகப்படுத்தப்பட்டனர். இப்பணித்தளத்தின் சபை ஊழியர் சன்ஜித்திற்காகவும் மற்றும் விசுவாசிகளுக்காகவும் ஜெபிப்போம்.

மார்ச் 3 : மகய்   கோட்டம்  மசோடி பணித்தளத்தில் பிபரவரி 7ம் தேதி நடைபெற்ற பெண்கள் கூட்டத்தில் சகோதரி ஜாஸ்மின் தேவசெய்தியினைப் பகிர்ந்துகொண்டார்; சகோதரி அர்ச்சுனா கூடிவந்தோரை ஜெபத்தில் வழிநடத்தினார். 80-க்கும் மேற்பட்ட விசுவாசிகள் இக்கூடுகையில் கலந்துகொண்டனர். தங்களது குடும்பத்தில் பெண்கள் எவ்வாறு சாட்சியாக இருக்கவேண்டும் என்று போதிக்கப்பட்டதுடன், கூட்ட முடிவில் பங்கேற்றோரின் குடும்ப அங்கத்தினரின் இரட்சிப்பிற்காகவும் ஜெபம் ஏறெடுக்கப்பட்டது. சபைகளில் பெரும்பாலும் பெண்கள் அதிகமாக ஆண்டவரை அறிந்துகொள்ளுகின்றபோதிலும், வரும் நாட்களில் குடும்பமாக அவர்கள் ஆண்டவரை ஆராதிக்க ஜெபிப்போம்.  

மார்ச் 4 : கிழக்கு மண்டலத்தின் ஜெகனபாத் மாவட்டத்திலுள்ள மதார்பூர் மற்றும் கயா மாவட்டத்திலுள்ள மான்பூர் பணித்தளங்களில், ஜெபிக்கிற சேனையை உருவாக்குவதற்கான 2 நாள் பயிற்சி முகாம் பிப்ரவரி 3 மற்றும் 7 ஆகிய தினங்கள் நடைபெற்றன; இம்முகாமில் சகோ. ஹென்றி மற்றும்    சகோ. ஜெயக்குமார்  கலந்துகொண்டு விசுவாசிகளும் மற்றும் ஊழியர்களும் ஜெப வாழ்க்கையில் வளர பயிற்சியளித்தனர். ஒவ்வொரு வகுப்பின் முடிவிலும் விசுவாசிகள் தங்கள் சபைக்காகவும், மாவட்டத்திற்காகவும் மற்றும் தேசத்திற்காகவும் ஊக்கமுடன் ஜெபித்தனர். தொடர்ந்து விசுவாசிகள் தங்கள் தனிப்பட்ட மற்றும் குடும்ப ஜெபத்தில் முன்னேற ஜெபிப்போம்.  

மார்ச் 5 : கோடர்மா பணித்தளத்தின் அசனாபாத் கிராமத்தில் மருத்துவ விழிப்புணர்வு முகாம் நடைபெற்றது; சகோதரி. சாரா கிராம மக்களுக்குத் தேவையான மருத்துவ ஆலோசனையையும், சுகாதாரத்தின் அவசியத்தையும் எடுத்துரைத்தார். அத்துடன், கயா சிட்டி சர்ச்சிலும் குழந்தைகள் வளர்ப்பு பற்றிய விழிப்புணர்வு கொடுக்கப்பட்டது. ராஜ்கிர் மற்றும் ராஜொலி பணித்தளங்களில் நடைபெற்றுவரும் ஆலயக் கட்டுமானப் பணிகள் எவ்விதத் தடையுமின்றி நடைபெற ஜெபிப்போம்.

Feb 2026

 

பிப்ரவரி 1 கடந்த மாதத்தில் பணித்தளங்களிலும் மற்றும் பணித்தளங்களைச் சுற்றியுள்ள கிராமங்களிலும் சுமார் 7000-க்கும் அதிகமான ஜனங்களுக்கு, கைப்பிரதிகள், சுவிசேஷ புத்தகங்கள் மற்றும் புதிய ஏற்பாடுகள் மூலமாக சுவிசேஷம் அறிவிக்கப்பட்டதுடன், ஏழை எளிய மற்றும் ஆதரவற்ற மக்களுக்கு கம்பளி மற்றும் குளிராடைகள் வழங்கப்பட்டன. சுவிசேஷம் அறிவிக்கப்பட்ட கிராமங்களில் வரும் நாட்களில் செய்யப்பட்டவிருக்கும் பின்தொடர் ஊழியப் பணிகளுக்காகவும், சுவிசேஷத்தைக் கேட்டோர் கிறிஸ்துவை தங்கள் வாழ்க்கையில் ஏற்றுக்கொள்ளவும் ஜெபிப்போம்.

பிப்ரவரி 2 கயா பட்டணத்தின் ஜெம்ஸ் சிட்டி சர்ச் மூலமாக தொழுநோய் மருத்துவமனையின் உள்நோயாளிகளுக்கு நற்செய்தி அறிவிக்கப்பட்டு, இலவசமாக கம்பளிகளும் வழங்கப்பட்டன. இந்நிகழ்ச்சியினை, கயா பணித்தள விசுவாசிகள் உற்சாகமாக நிறைவேற்றினர்; கயா பட்டணத்தின் வார்டு கவுன்சிலர்களும் இந்நிகழ்ச்சியில் பங்கேற்றனர். பணித்தளங்களில் செய்யப்பட்டுவரும் மருத்துவமனை ஊழியங்கள் மூலமாக நோயாளிகள் சந்திக்கப்படவும் மற்றும் நோயாளிகள் சுகம் பெற்று கிறிஸ்துவுக்குச் சாட்சிகளாக மாறவும் ஜெபிப்போம்.

பிப்ரவரி 3 மகய் - 2 கோட்டத்தின் டெக்காரி பணித்தளத்தின் தெதரியா கிராமத்தில் புதிதாக வீட்டு சபை தொடங்கப்பட்டது; இதில், 40 விசுவாசிகள் கலந்துகொண்டு தேவனை ஆராதித்தனர். கிழக்கு மண்டலத்தின் கோட்டங்களுக்கான வருடாந்திர ஊழியத் திட்டமிடுதல் கூடுகைகளை கோட்ட அலுவலகங்களில் நடத்த கர்த்தர் உதவிசெய்தார். திட்டமிடப்பட்ட ஊழியப் பணிகள் வரும்நாட்களில் தடையின்றி செய்யப்படவும், புதிய கிராமங்களில் சுவிசேஷத்திற்கான வாசல்கள் திறக்கவும் ஜெபிப்போம்.

பிப்ரவரி 4 ஹசாரிபாக் மாவட்டத்தின் குந்துரு பணித்தளத்தில் நடைபெற்ற பெண்கள் கூடுகையில் 25 பேர் கலந்துகொண்டனர்; சகோதரர் சித்தார்த் தேவசெய்தியினைப் பகிர்ந்துகொண்டார். இப்பணித்தள ஊழியர் சகோ. விஷ்ணு தொடர்ந்து சந்தித்துவரும் எதிர்ப்புகள் மாறவும், ஊழியர் தங்கியிருந்த வீட்டினைக் காலிசெய்ய வற்புறுத்தப்பட்ட நிலையில், தங்குவதற்கு வீடு கிடைக்கவும், எதிர்ப்பாளர்களைக் கர்த்தர் சந்திக்கவும் ஜெபிப்போம்.

பிப்ரவரி 5 கயா மாவட்டத்தின் குராரு பணித்தளத்தில் கட்டப்பட்ட ஊழியர் இல்லம் ஜனவரி 7 அன்று ஜெபத்துடன் அர்ப்பணிக்கப்பட்டது; தொடர்ந்து நடைபெற்ற ஆராதனையில் சகோ. ஜோ பால்சன் தேவசெய்தியினைப் பகிர்ந்துகொண்டார். பணித்தள ஊழியர்கள் மற்றும் விசுவாசிகள் இந்நிகழ்ச்சியில் பங்கேற்றனர். கயா மாவட்டத்தின் பதேபூர் பணித்தளத்தில் ஆலயத்தின் மின்சார உபகரணங்கள் உடைக்கப்பட்டு, ஊழியர் மிரட்டப்பட்டு, ஊழியரின் இல்லத்தையும் காலிசெய்ய வற்புறுத்தியுள்ளனர். இப்பணித்தளத்தில் தொடர்ந்துவரும் எதிர்ப்புகள் மாற ஜெபிப்போம்.    

Jan 2026

                                                       

ஜனவரி -  01 ஜெம்ஸ் ஹிந்தி சபை ஊழியங்கள் (GEMS Hi-Chal) மூலமாக, அக்பர்பூர், அருவல் மற்றும் பன்சாரி ஆகிய பணித்தளங்களில் இரண்டு நாட்கள் நடைபெற்ற சிறப்பு ஆத்தும ஆதாயப் பயிற்சி முகாம்களில், பணித்தள ஊழியர்கள் உட்பட, ஆத்தும ஆதாயப் பணியில் தங்களை ஈடுபடுத்திக்கொள்ளும் வாஞ்சையுடைய 90 சகோதர சகோதரிகள் பங்கேற்றனர். இப்பயிற்சியில் பங்கேற்றோர், கிறிஸ்துவை அறியாத மக்களை சுவிசேஷத்தின் மூலம் கிறிஸ்துவண்டை வழிநடத்தவும், பணித்தளங்களில் இவர்கள் மூலம் செய்யப்படவிருக்கும் ஊழியங்களுக்காகவும் ஜெபிப்போம். 

ஜனவரி -  02 டிசம்பர் 1, 2025 அன்று கயா பணித்தளத்தில் நடைபெற்ற கிழக்கு மண்டல ஊழியர் கூடுகையில், பணித்தள சபை ஊழியர்கள் 90 பேர் கலந்துகொண்டனர். இக்கூடுகையில், சகோ. ஜோ பால்சன் பங்கேற்று ‘எழுந்து பிரகாசி’ என்ற தலைப்பின் கீழ் கர்த்தருடைய வார்த்தையைப் பகிர்ந்துகொண்டு, ஊழியர்களை ஜெபத்தில் நடத்தினார். பணித்தள ஊழியர்களின் சரீர சுகத்திற்காகவும் மற்றும் ஊழியங்களில் அவர்கள் வல்லமையாகப் பயன்படுத்தப்படவும் ஜெபிப்போம். 

ஜனவரி -  03 டிசம்பர் 19, 2025 அன்று, மகய் - 2 கோட்டத்தின் கிரிடி பணித்தளத்திற்கு அருகிலிருக்கும் பெங்காபாத் கிராமத்தில் கிறிஸ்மஸ் விழாவுடன், விளையாட்டுப் போட்டிகளும் நடத்தப்பட்டு பரிசுகள் வழங்கப்பட்டன. இதன் மூலம், அக்கிராமத்தில் சுவிசேஷத்தை அறிவிப்பதற்கான வாசலை கர்த்தர் திறந்துள்ளார். இக்கிராமத்தில் வரும் நாட்களில் நடைபெறவிருக்கும் ஊழியங்களுக்காக ஜெபிப்போம். 

ஜனவரி -  04 மகய் - 2 கோட்டத்தின் சேர்காட்டி பணித்தளத்தில் ஏழை விதவைகளுக்கு சுவிசேஷம் அறிவித்து, அவர்களுக்காக ஜெபித்து, இலவச ஆடைகளையும் வழங்க கர்த்தர் உதவிசெய்தார். இப்பணித்தளத்தில் செய்யப்பட்டுவரும் சுவிசேஷ ஊழியங்களுக்காகவும் மற்றும் இங்கு ஊழியத்திற்குக் காணப்படும் எதிர்ப்புகள் மாறவும் ஜெபிப்போம். 

ஜனவரி -  05 மகய் - 1 கோட்டத்தின் சேக்பூரா பணித்தளத்தில், டிசம்பர் 17, 2025 அன்று நடைபெற்ற கிறிஸ்மஸ் நிகழ்ச்சியின் மூலமாக, கூடிவந்த பணித்தள மக்களுக்கு கிறிஸ்துவின் நற்செய்தியினை அறிவிக்க கர்த்தர் உதவிசெய்தார். தொடர்ந்து, மசௌடி பணித்தளத்தில் நடைபெற்ற கிறிஸ்மஸ் நிகழ்ச்சின் மூலமாகவும் பணித்தள மக்களுக்கு நற்செய்தி அறிவிக்கப்பட்டது. இந்நிகழ்ச்சியில் பங்கேற்றோர், கிறிஸ்துவின் அன்பினால் தொடப்பட ஜெபிப்போம். 

ஜனவரி -  06 கயா மாவட்டத்தின் டெக்னோபார்ம், பாங்கே பஜார் மற்றும் நவாதா மாவட்டத்திலுள்ள மாக்ரைன் ஆகிய கிராமங்களில் செயல்பட்டுவரும் ஜெம்ஸ் டியூசன் மையங்களில், 2025 டிசம்பர் 21 மற்றும் 22 ஆகிய தினங்களில் நடைபெற்ற கிறிஸ்மஸ் விழாவில், சிறியோர், வாலிபர் மற்றும் பெற்றோருக்கு கிறிஸ்து பிறப்பின் நற்செய்தியினை அறிவித்து, ஏழை மக்களுக்கு குளிராடைகளையும் வழங்க கர்த்தர் உதவிசெய்தார். பணித்தளங்களில் நடைபெற்றுவரும் டியூசன் மையங்களுக்காகவும், புதிய பணித்தளங்களில் டியூசன் மையங்கள் தொடங்கப்படவும் மற்றும் குளிர் காலத்தில் பணித்தள மக்களின் பாதுகாப்பிற்காகவும் ஜெபிப்போம். 

December 2025

 கிழக்குமண்டலம்

டிசம்பர் 01 ஜுரியா பணித்தளத்தில் நடைபெற்ற எழுப்புதல் கூடுகையில், ‘ஆண்டவரின் ஐக்கியத்தில் வளருதல்” என்ற தலைப்பின் கீழ் சகோ. பிலிப் தேவ செய்தியினைப் பகிர்ந்துகொண்டார்; 105 பேர் இக்கூடுகையில் பங்கேற்றனர். இக்கூடுகையில் கலந்துக்கொண்ட ஒவ்வொருவரும் ஆண்டவரின் ஐக்கியத்தில்   வளரவும் மற்றும் அவர்களது ஆவிக்குரிய ஜீவியத்திற்காகவும், இப்பணித்தளத்தில் ஊழியம்செய்து வரும் சகோ. விஜய் மற்றும் சகோதரி குஷ்பு ஆகியோருக்காகவும் ஜெபிப்போம். 

டிசம்பர் 02 மான்பூர், அக்பர்பூர் மற்றும் கயா பணித்தளங்களில் நடைபெற்ற சிறப்புக் கூடுகைகளில் 400-க்கும் மேற்பட்டோர் பங்கேற்றனர். தேசத்திற்காகவும், பணித்தள மக்களின் இரட்சிப்பிற்காகவும் விசுவாசிகள் ஒருமனதோடு ஜெபித்ததுடன்,  விசுவாசிகளின் ஆவிக்குரிய வளர்ச்சிக்காகவும் வசனங்களை அடிப்படையாகக் கொண்டு தேவ செய்தியுடன் ஆலோசனைகளும் வழங்கப்பட்டன. கலந்துகொண்ட விசுவாசிகள் தொடர்ந்து தேசத்திற்காக திறப்பில் நிற்கவும் மற்றும் தங்கள் ஆவிக்குரிய ஜீவியத்தில் வளரவும் ஜெபிப்போம். 

டிசம்பர் 03 குழந்தைகள் தினத்தை முன்னிட்டு நவம்பர் 16 அன்று பணித்தள ஆலயங்களில் சிறுவர் மற்றும் சிறுமியர்கள் மூலமாக நடைபெற்ற ஆராதனைகளை கர்த்தர் ஆசீர்வதித்தார். சிறுவர் சிறுமியர் கரங்களில் கர்த்தருக்குக் காணிக்கை படைக்க உண்டியல்கள் வழங்கப்பட்டு, அதன் மூலமாக புதிய கிராமங்களில் வரும் நாட்களில் ஏடீளு நடத்த எடுக்கப்பட்டுவரும் முயற்சிகளை கர்த்தர் ஆசீர்வதிக்க ஜெபிப்போம். 

டிசம்பர் 04 அக்பர்பூர் பணித்தளத்திற்கு அருகிலுள்ள காளேஜா கிராமத்தில் நவம்பர் 5 அன்று நடைபெற்ற சுவிசேஷக் கூட்டத்தில் 50 பேர் கலந்துகொண்டனர். ஜெப வேளையின்போது, கிறிஸ்துவை தங்கள் வாழ்க்கையில் ஏற்றுக்கொண்ட 10 பேர் தொடர்ந்து திருச்சபைக்கு வர ஆயத்தமாயிருக்கின்றனர். இத்தகைய கூட்டங்கள் ஒவ்வொரு பணித்தள ஆலயத்திலும் வரும் நாட்களில் நடைபெறவும், ஆத்துமாக்கள் சபையில் சேர்க்கப்படவும் ஜெபிப்போம். 

டிசம்பர் 05 மான்பூர் பணித்தளத்தில் நவம்பர் 19 அன்று ஜெம்ஸ் மருத்துவக் குழுவினரும் மற்றும் ர்யனௌ ழக ர்ழிந மருத்துவக் குழுவினரும் இணைந்து நடத்திய இலவச மருத்துவ முகாமின் மூலமாக 277 கிராம மக்கள் பயனடைந்தனர். மருத்துவ சிகிச்சையுடன், கிறிஸ்துவின் அன்பை அறிவிக்கும் சுவிசேஷக் கைப்பிரதிகளும் வழங்கப்பட்டன. இம்மருத்துவ முகாமில் பயனடைந்தோர், இயேசு கிறிஸ்துவையும் அறிந்துகொள்ள ஜெபிப்போம். 

டிசம்பர் 06 டோபி பணித்தளத்தில் நவம்பர் 21 அன்று நடைபெற்ற வட்டாரக் கன்வென்ஷன் கூட்டங்களில், ஐந்து திருச்சபைகளைச் சேர்ந்த 160 விசுவாசிகள் கலந்துகொண்டனர். ‘கர்த்தரில் பெலப்படுங்கள்’ என்ற தலைப்பின் கீழ் சகோ. ஜெயசீலன் தேவசெய்தியினைப் பகிர்ந்துகொண்டு, பங்கேற்றவர்களுக்காக ஜெபித்தார். பணித்தள விசுவாசிகளின் குடும்பங்களுக்காகவும் மற்றும் வரும் நாட்களில் ஆத்தும அறுவடையாளர்களாக அவர்கள் மாறவும் ஜெபிப்போம்.  

November 2025

                                                   கிழக்குமண்டலம்

நவம்பர் 1 டெக்காரி மற்றும் மான்பூர் ஆகிய பணித்தளங்களில், 'ஆயத்தமாயிருங்கள்" என்ற கருப்பொருளின் கீழ், ஜெம்ஸ் பெண்கள் ஊழியங்களின் (GEMS WET) மூலமாக நடத்தப்பட்ட பெண்கள் கூடுகையில் 162 சகோதரிகள் கலந்துகொண்டனர். பாடல் மற்றும் ஆராதனை வேளைகளைத் தொடர்ந்து, பல்வேறு ஜெபக்குறிப்புகளுக்காக ஜெபிக்கவும், விளையாட்டுப் போட்டிகளில் கலந்துகொள்ளவும் ஒருவரோடொருவர் ஐக்கியம் கொள்ளவும் அத்துடன் தேவ செய்தியைக் கேட்கவும் இக்கூடுகையின்போது சகோதரிகளுக்கு வாய்ப்பு கிடைத்தது. இக்கூடுகையினைத் தொடர்ந்து, ஒவ்வொரு பணித்தள சபையிலும், இரண்டு சகோதரிகள் பணித்தள பெண்கள் ஊழியங்களைத் தொடர அர்ப்பணிக்கப்பட்டனர். பணித்தளங்களில் நடைபெற்றுவரும் பெண்கள் ஊழியங்களுக்காகவும் மற்றும் ஜெம்ஸ் பெண்கள் ஊழியக் குழுவினருக்காகவும் ஜெபிப்போம். 

நவம்பர் 2 கயா ஜெம்ஸ் செயல் மையத்தில் அக்டோபர் 6 அன்று நடைபெற்ற வாலிபர் கூடுகையில் 126 வாலிபர் பங்கேற்றனர். 'எழுந்து கட்டுவோம்" என்ற தலைப்பின் கீழ் சகோ. வென்னிலவன் மற்றும் சகோ. ஜோசுவா ஆகியோர் தேவ செய்தியினைப் பகிர்ந்துகொண்டனர். பாடல்கள், குறு நாடகங்கள் மற்றும் சாட்சிகள் வாயிலாகவும் தேவ வசனத்தில் வாலிபர் வழிநடத்தப்பட்டனர். ஜெப வேளையில் கண்ணீரோடு பல வாலிபர் கர்த்தருக்குத் தங்களை ஒப்புக்கொடுத்தனர். பணித்தள வாலிபர்களின் மனந்திரும்புதலுக்காகவும், கயா பட்டணத்திலுள்ள வாலிபர்களின் இரட்சிப்பிற்காகவும் ஜெபிப்போம்.  

நவம்பர் 3 ஷேக்பூரா, காக்கோ, மக்தம்பூர் ஆகிய பணித்தளங்களில் 'வாழ்க்கையின் நோக்கம்" என்ற கருப்பொருளின் கீழ் நடைபெற்ற வாலிபர் கூடுகையில் 246 பேர் கலந்துகொண்டனர்; சகோ. வென்னிலவன் மற்றும் குழுவினர் தேவ செய்தியுடன் பாடல்கள், ஆலோசனைகள் மற்றும் பல்வேறு நிகழ்ச்சிகளின் வாயிலாக வாலிபரை கிறிஸ்துவண்டை நடத்தினர். காக்கோ பணித்தளத்தில் 18 வாலிபர்கள் ஊழியத்திற்கென்று தங்களை அர்ப்பணித்தனர். தொடர்ந்து, கூடு, சந்துவா, மன்டர் பணித்தளங்களில் அக்டோபர் 16 முதல் 18 வரை நடைபெற்ற வாலிபர் கூட்டத்தில் 306 வாலிபர் பங்கேற்றனர். 'பிதாவினிடத்திற்குத் திரும்புங்கள்" என்ற கருப்பொருள் அடங்கியச் செய்தியினைத் தொடர்ந்து வாலிபர்களுக்கேற்ற ஆலோசனைகளும் வழங்கப்பட்டன. இக்கூடுகையின்போது, 12 வாலிபர் ஊழியத்திற்கென்று தங்களை அர்ப்பணித்தனர். அர்ப்பணித்த வாலிபர்கள் அர்ப்பணிப்பில் நிலைத்து நிற்கவும், விசுவாசத்தில் வளரவும் ஜெபிப்போம். 

நவம்பர் 4 அன்டர்கன்ஜ் பணித்தளத்தில் அக்டோபர் 19 அன்று நடைபெற்ற எழுப்புதல் கூட்டத்தில் 75 பேர் கலந்துகொண்டனர். 'சத்தியத்தை அறிந்துகொள்ளுங்கள்" என்ற தலைப்பில் சகோ. பால் கர்த்தருடைய செய்தியைப் பகிர்ந்துகொண்டார். இக்கூட்டங்களில் பங்கேற்றோர் வேத வசனத்தின்படி வாழவும், அப்பணித்தளத்தின் எழுப்புதலுக்குக் காரணமாகவும் ஜெபிப்போம். 

நவம்பர் 5 தெத்தர்டாட் பணித்தளத்தில் அக்டோபர் 10 அன்று நடைபெற்ற பெண்கள் கூடுகையில் ' புத்தியுள்ள ஸ்திரீ " என்ற தலைப்பின் கீழ் சகோ. சுஸ்மா சொயம்பர் கர்த்தருடைய செய்தியைப் பகிர்ந்துகொண்டார்; இக்கூடுகையில் 49 பேர் கலந்துகொண்டனர். கூடுகையில் கலந்துகொண்ட பெண்களின் ஆவிக்குரிய வாழ்க்கைக்காகவும், இப்பணித்தளத்தில் நடைபெற்றுவரும் ஊழியங்களுக்காகவும் ஜெபிப்போம்.

October 2025

                                                    கிழக்குமண்டலம்

அக்டோபர் : 01 சிவடா பணித்தளத்தில் ஆகஸ்ட் 31 அன்று ஞாயிறு ஆராதனையின்போது, சமூக விரோதிகள் சிலர் ஆலயத்தினுள் புகுந்து, ஆராதனையைத் தடுத்து, போதகரையும் மற்றும் ஆராதிக்கக் கூடிவந்திருந்த விசுவாசிகளையும் மிரட்டிச் சென்றனர்; என்றபோதிலும், கர்த்தருடைய கிருபையினால், இப்பணித்தளத்தில் ஆராதனை தடையின்றி தொடர்ந்து நடைபெற்றுவருகின்றது. இப்பணித்தளத்தில் ஊழியம் செய்துவரும் ஊழியருக்காகவும் மற்றும் பணித்தள விசுவாசிகள் விசுவாசத்தில் ஸ்திரப்படவும் ஜெபிப்போம். 

அக்டோபர் : 02 காக்கோ பணித்தளத்தில் செப்டம்பர் 4 அன்று நடைபெற்ற எழுப்புதல் கூட்டத்தில் 130 பேர் கலந்துகொண்டனர். விசுவாசிகள் வசனத்திலும் மற்றும் விசுவாசத்திலும் வேரூன்ற இக்கூடுகை உதவியது. இக்கூட்டத்தில், சகோ. ஜெகன் கர்த்தருடைய வார்த்தையைப் பகிர்ந்துகொண்டார். இப்பணித்தளத்தில், போதகர் இல்லம் மற்றும் பணித்தள ஆலயச் சுற்றுச் சுவர் விரைவில் கட்டப்படவும், விசுவாசிகள் ஆவிக்குரிய வாழ்க்கையில் முன்னேறவும், பணித்தள ஆலய முன்னேற்றத்திற்காகவும் ஜெபிப்போம்.  

அக்டோபர் : 03  எங்கர்சராய் பணித்தளத்தில் செப்டம்பர் 5 அன்று நடைபெற்ற விசுவாசிகளுக்கான சிறப்புக் கூட்டத்தில் 120 பேர் பங்கேற்றனர்; சகோதரர் அவதேஷ் கர்த்தருடைய செய்தியைப் பகிர்ந்துகொண்டார். விசுவாசிகளின் ஆவிக்குரிய வாழ்க்கையின் வளர்ச்சிக்கும் மற்றும் ஆத்தும ஆதாயப் பணியில் அவர்களை உற்சாகப்படுத்தவும் இக்கூடுகை வழிவகுத்தது. இப்பணித்தளத்தில் நடைபெறும் சிறுவர் ஊழியங்களுக்காகவும், இங்கு நடைபெறும் சபை ஊழியத்தை கர்த்தர் ஆசீர்வதிக்கவும் மற்றும் அமைந்துள்ள நாலந்தா மாவட்டத்தில் கர்த்தர் கிரியைசெய்யவும், ஜனங்கள் உயிர்மீட்சியடையவும் ஜெபிப்போம். 

அக்டோபர் : 04 ஹல்திகோச்சா பணித்தளத்தில் செப்டம்பர் 17 அன்று நடைபெற்ற ஒருநாள் உபவாசக் கூடுகையில், சபை மக்கள் ஆர்வமுடன் கலந்துகொண்டு சொந்த கிராம மக்களுக்காகவும் மற்றும் சுற்றியுள்ள கிராம மக்கள் தீய வழிகளிலிருந்து விடுபடவும் பாரத்துடன் ஜெபித்தனர். இக்கூடுகையில், சகோ. பால் கர்த்தருடைய வார்த்தையைப் பகிர்ந்துகொண்டார்.   

அக்டோபர் : 05  பாலுமாத் பணித்தளத்தில் செப்டம்ர் 18 அன்று நடைபெற்ற விசுவாசிகளுக்கானக் கூடுகையினை கர்த்தர் ஆசீர்வதித்தார். இக்கூடுகையில், ‘தரிசனம் தேவை’ என்ற தலைப்பின் கீழ் சகோ. பால் கர்த்தருடைய செய்தியைப் பகிர்ந்துகொண்டார். பங்கேற்ற விசுவாசிகள், ஆவிக்குரிய ஜீவியத்தில் பெலப்படவும், சமுதாயத்தில் சாட்சியாக வாழவும், தங்கள் வாழ்க்கையைக் குறித்தும் மற்றும் திருச்சபையைக் குறித்தும் தரிசனத்தோடு செயல்படவும் ஜெபிப்போம். 

அக்டோபர் : 06 நயபஜார் பணித்தளத்தில் செப்டம்பர் 19 அன்று நடைபெற்ற விசுவாசிகளுக்கான எழுப்புதல் கூட்டத்தில் 40 பேர் பங்கேற்றனர். சகோ. ரமாசங்கர் ‘தெபோரா’ மற்றும் ‘பவுல்’ ஆகியோரை மையமாகக் கொண்டு கர்த்தருடைய செய்தியைப் பகிர்ந்துகொண்டார். இப்பணித்தளத்தில் ஊழியத்திற்கு உண்டாகும் எதிர்ப்புகள் நீங்கவும், விரைவில் ஆலயம் கட்டப்படவும் ஜெபிப்போம்.  

SEP 2025

                                   கிழக்குமண்டலம்

செப்டம்பர் 01 மகாய் 2 கோட்டத்தின் மாவ் பணித்தளத்தில் நடைபெற்ற பெண்கள் கூடுகையில் 15 பேர் கலந்துக்கொண்டனர். சகோதரி ஜாஸ்மின் ஜெயசீலன், எபிரெயர் 12:1 வசனத்தினை மையமாகக் கொண்டு தேவச் செய்தியினைப் பகிர்ந்துகொண்டார். தொடர்ந்து, சகோதரி லவ்லி  மூலமாக பெண்களின் வாழ்க்கைக்கடுத்த சுகாதார விழிப்புணர்வும் கொடுக்கப்பட்டது. பணித்தள பெண்கள் மத்தியில் செய்யப்படும் ஊழியங்கள் நல்ல பலனைத் தரவும், பெண்கள் மூலமாக குடும்பங்கள் கிறிஸ்துவண்டைத் திரும்பவும் ஜெபிப்போம்.

செப்டம்பர் 02 ஆகஸ்ட் 1 அன்று ரஜோலி பணித்தளத்தில் உபவாசக் கூடுகை நடைபெற்றது; 40 பேர் பங்கேற்று தேசத்திற்காகவும், தங்கள் பணித்தளத்தில் செய்யப்பட்டுவரும் ஊழியங்களுக்காகவும் பாரத்தோடும் ஒருமனதோடும் தேவ சமூகத்தில் ஜெபித்தனர். இப்பணித்தளத்தில் ஆலயம் கட்டப்பட வாங்கப்பட்டுள்ள நிலத்தினைப் பதிவு செய்வதில் ஏற்பட்டுள்ள பிரச்சனைகள் மாறவும் மற்றும் ஆலயக் கட்டுமானப் பணி விரைவில் தொடங்கப்படவும் ஜெபிப்போம். ஆகஸ்ட் 3 அன்று படுக்காவ் பணித்தளத்தில் நடைபெற்ற பெண்கள் கூட்டத்தில் சகோ. சித்தார்த் கலந்துக்கொண்டு தேவ செய்தியளித்தார்; 40–திற்கும் மேற்பட்ட பெண்கள் இக்கூட்டத்தில் கலந்துக்கொண்டனர். இப்பணித்தளம் அமைந்துள்ள ஹஜாரிபாத் மாவட்டத்தில் எதிர்ப்புகள் மாறவும் மற்றும் நடைபெறும் ஊழியங்களுக்காகவும் ஜெபிப்போம்.

செப்டம்பர் 03 கோடர்மா பணித்தளத்தில் சீஷத்துவப் பயிற்சியினை நிறைவுசெய்த 11 மாணவர்களுக்கு நடைபெற்ற சான்றளிப்பு நிகழ்ச்சியினை கர்த்தர் ஆசீர்வதித்தார். இப்பயிற்சியினை நிறைவு செய்தவர்களில், மூன்று  மாணவர்கள் வேதாகம மேற்படிப்பிற்காக தர்பங்கா பணித்தளத்திற்குச் செல்லவிருக்கின்றனர். சீஷத்துவப் பயிற்சி பெற்ற மாணவர்களுக்காகவும், சபையிலும் மற்றும் சமுதாயத்திலும் அவர்கள் சாட்சியுள்ள வாழ்க்கை வாழவும் மற்றும் சீஷத்துவப் பயிற்சியில் (னுவுஊ) இந்த வருடமும் அநேக வாலிபர்கள் இணைந்து பயிற்சி பெறவும்  ஜெபிப்போம்

செப்டம்பர் 04 கயா பணித்தளத்தில் ஜெம்ஸ் ஊழியர்கள் மற்றும் தலைவர்களுக்கான பயிற்சி வகுப்புகளை (GILEAD) ஆகஸ்ட் 20 அன்று தொடங்க கர்த்தர் உதவிசெய்தார். இந்நிகழ்ச்சியில் சகோ. அகஸ்டின் ஜெபக்குமார், சகோ. ப்ரெடி ஜோசப், Dr. விஜய்காந்த் ஆகியோர் கலந்துகொண்டு பயிற்சியின் முக்கியத்துவத்தை விளக்கினர். இரண்டு ஆண்டுகள் தொடர்ந்து நடைபெறவிருக்கும் இப்பயிற்சி வகுப்புகளுக்காகவும்,  பயிற்சிபெறும் ஊழியர்கள் மற்றும் பயிற்சி அளிக்கும் தலைவர்களுக்காகவும் ஜெபிப்போம். மகய் 1 கோட்டத்தின் பிக்ரம் பணித்தளத்தில் நடைபெற்ற உபவாசக் கூட்டத்தில் 70 பேர் கலந்துக்கொண்டு பணித்தள ஊழியங்களுக்காகவும் மற்றும் தேசத்திற்காகவும் பாரத்துடன் ஜெபித்தனர். சகோ. நந்தலால் தேவ செய்தியளித்து, ஜனங்களை ஜெபத்தில் வழி நடத்தினார். தேசத்திற்காகவும் மற்றும் எதிர்ப்புகள் நிறைந்த பணித்தளங்களில் விரைவில் ஆலயங்கள் கட்டப்படவும் ஜெபிப்போம். 

செப்டம்பர் 05 ஆகஸ்ட் 14 அன்று பலித்தாத் பணித்தளத்தில் வாலிபர் கூடுகை நடைபெற்றது; 30 பேர் இக்கூடுகையில் பங்கேற்றனர். 'கர்த்தருக்குப் பிரியமாய் வாழ்வது எப்படி' என்ற தலைப்பின்கீழ் சகோ. ராஜா தேவ செய்தியினைப் பகிர்ந்துகொண்டார்.  கொடுத்தார். இதுபோன்ற கூட்டங்கள் ஒவ்வொரு பணித்தளங்களிலும் நடைபெற ஜெபிப்போம். லத்திகார் பணித்தளத்தில் 'GP என்ற கிராமத்தில் உள்ள அரசாங்கப் பள்ளியில் ஆகஸ்ட் 17 அன்று நல்லொழுக்கப் பயிற்சி அளிக்கப்பட்டது. மேலும், பாடல்கள் மற்றும் கதைகள் மூலமாக 50 சிறுவர்களுக்கு கிறிஸ்துவின் அன்பு அறிவிக்கப்பட்டது.